OQO-da jergilikti polıtsııaǵa qyzmettik avtokólikter tabystaldy
ShYMKENT - Búgin óńir basshysy B.Atamqulov OQO ІІD Jergilikti polıtsııa qyzmetiniń jeke quramyna jańa qyzmettik avtokólikterdiń kiltin tabystady. Oblys ákiminiń baspasóz qyzmetiniń habarlaýynsha, atalǵan is-shara el Táýelsizdiginiń 25 jyldyǵyna arnaldy.
Oblys ákimi jol patrýldik polıtsııa qyzmetkerlerine «Kıa-Rıo» markaly 73 temirtulpar men ýchaskelik polıtsııa ınspektorlaryna «VAZ-2121010» markaly 5 arnaıy avtokóligin berip, qyzmetterine tabys tiledi.
«Qurylǵanyna 1 jylǵa jýyq ýaqytta jergilikti polıtsııa qyzmetine qoǵamnyń kózqarasy oń bolyp, senimi artyp otyr. Sizder qıyn sátterde qarapaıym halyqtyń arqa súıer súıenishi ári ádilettiliktiń jarshysy bolýǵa tıissizder. Aldaǵy ýaqytta da sizder oblys turǵyndarynyń quqyqtaryn qorǵap, elimizdiń áleýmettik-ekonomıkalyq jaǵdaıyn jaqsartýǵa barlyq kúsh-jigerin jumsaıdy degen senimdemin», - dedi B.Atamqulov.
Shara barysynda OQO ІІD Jergilikti polıtsııa qyzmetinen quralǵan qyzmetkerler 10 baǵan túzep, saltanatty sherýmen júrip ótti. Kezdesý qonaqtary men qatysýshylaryna jańadan alynǵan qyzmettik avtokólikter kórsetildi. 
