OQO-da jergilikti máslıhattar depýtattarynyń saılaýy ótedi
ShYMKENT. QazAqparat - Ońtústik Qazaqstan oblysynda jergilikti túrli deńgeıdegi máslıhattar depýtattaryn saılaýyna daıyndyq jumystary Konstıtýtsııalyq zańnyń talaptaryna saı kezeń-kezeńimen atqarylýda, dep habarlaıdy oblys ákiminiń baspasóz qyzmeti.
Oblystyq saılaý komıssııasy taǵaıyndaǵan saıası is-shara 2017 jylǵy 29 qazan kúni ótedi. Bul týraly búgin OQO óńirlik kommýnıkatsııalar qyzmetinde ótken brıfıngte oblystyq saılaý komıssııasynyń tóraǵasy Á.Ómirálıev málim etti.
Tóraǵanyń aıtýynsha, máslıhat depýtattyǵyna barlyǵy 42 úmitker usynylǵan, onyń ishinde 38 úmitker tirkelip otyr. Qalǵan 4 úmitker tirkeýge qajetti qujattardy «Qazaqstan Respýblıkasynyń saılaý týraly» konstıtýtsııalyq zańynyń talaptaryna saı okrýgtik komıssııaǵa tapsyrmaǵan.
«Osy úmitkerlerdi partııalyq quramy jaǵyna qaraıtyn bolsaq, «Nur Otan» partııasynan - 7 úmitker, «Aq jol» partııasynan 1 úmitker tirkeldi. Partııalyǵy kórsetilmegeni - 21 úmitker bolsa, 9 úmitker partııada joq», - dedi Á.Ómirálıev.
Máslıhat depýtattarynyń saılaýy 7 okrýgte ótkiziledi. Oblystyq máslıhatqa saılaý 4 okrýgte ótedi. Olar - Shymkent qalasyndaǵy №11, 35 jáne Shardara aýdanyndaǵy № 49, 50 okrýgter. Qalalyq máslıhatqa - 2 okrýg (Shymkent qalasyndaǵy №22, Túrkistan qalasyndaǵy №7). Aýdandyq máslıhatqa Saryaǵash aýdanynan №22 okrýgte saılaý ótedi. Oblystyq máslıhatqa 23 úmitker tirkelse, qalalyq máslıhatqa - 12 úmitker, aýdandyq máslıhatqa 3 úmitker tirkeldi.
Aıta keteıik, eń jas úmitker - oblystyq máslıhatqa úmitker, Shymkent qalasynyń turǵyny Janǵalı Temirbaev (21 jasta). Al jasy eń úlken úmitker - №7 Túrkistan qalalyq okrýgten túskeli otyrǵan Sársenbek Jarqynbekov (64 jasta).
2017 jyldyń 3 qazanynda saǵat 24:00-de úmitkerlerdi tirkeý aıaqtalyp, jeke úmitkerlerdiń saılaý aldyndaǵy úgit-nasıhat jumystary 4 qazannan bastaldy.
