OQO-da jeke turǵyn úıdiń aýlasynda 2 jasar bala sýǵa batyp ketti
ShYMKENT. QazAqparat - Ońtústik Qazaqstan oblysy, Saıram aýdanynda 2 jasar búldirshin sýǵa batyp ketti. Qaıǵyly jaǵdaı Mankent aýylyndaǵy jeke turǵyn úılerdiń biriniń aýlasynda bolǵan, dep habarlaıdy QazAqparat tilshisi
Sýǵa batýǵa qatysty oqıǵalar boıynsha baspasóz máslıhatyn ótkizgen Oblystyq TJD qyzmetkerleri búldirshin qaıǵyly jaǵdaı oryn alǵan kezde ata-anasynyń qaraýynsyz qalǵanyn aıtady.
«18 naýryz kúni saǵat 19:00-der shamasynda Saıram aýdany, Mankent aýyly, Naberejnaıa kóshesi boıyndaǵy jeke turǵyn úıdiń aýlasynda abaısyzda 2016 j.t. jas bala sýǵa qulap batyp ketken. Balanyń denesin ata-anasy taýyp alǵan», - delingen TJD taratqan habarlamada.
Departament qyzmetkerleri 31-shi qańtarda Otyrar aýdany aýmaǵyndaǵy Arys ózenine túsip ketken balanyń denesi 15 naýryz kúni tabylǵanyn jetkizdi. Ata-anasynyń suranysy boıynsha qutqarýshylar 7 jasar balanyń denesin izdestirý jumystaryn júrgizip, jetinshi mártede tabylǵanyn alǵa tartty.
Aıta keteıik, óńirde jyl basynan beri sýda 4 jazataıym oqıǵasy tirkelip, 1 balyqshy men 3 jas bala qaıtys bolǵan.
