OQO-da jastar teatry komedııalyq qoıylymdy sahnalady
ShYMKENT. QazAqparat - Ońtústik Qazaqstan oblystyq «Jastar resýrstyq ortalyǵynyń» janynan qurylǵan «ONTUSTIK» jastar teatry jańa qoıylymdy sahnalady. Komedııalyq janrdaǵy «Óldik te, qurmetti boldyq» atty spektaklde meıirim men qaıyrymdylyq sekildi izgi qasıetter beınelenedi, dep habarlaıdy QazAqparat tilshisi.
Adamnyń boıyndaǵy izgi qasıetterdi qazirgi jastardyń boıyna sińiretin qoıylymdy tamashalaýǵa oblystaǵy zııaly qaýym ókilderi men belsendi jastar, joǵary oqý oryndarynyń stýdentteri keldi. Ózbek tilinde sahnalanǵan komedııa 4 epızodtan turady.
Spektakldiń basty keıipkeri Máýlen ata ózin óldi dep, balalaryna hat jazady. Sóıtip janazasyna kimniń kelip, kimniń kelmeıtinin bilip almaqshy bolady. Shyǵarmanyń maqsaty da sol, qazirgi qoǵamda ómir súrip kele jatqan jastardy ata-ananyń qadiri, olardy ólgen soń ókinip izdemeı, tiri kezinde ardaqtap ótýge shaqyrý bolyp tabylady.
Qoıylymnyń avtory jastardy sonymen qatar kúıbeleń tirshilik qamymen júrip ata-analardy jalǵyz qaldyrmaı, bir sát bolsyn kóńil aýlaýǵa úgitteıdi. Іzdegende árkez janynan tabylýǵa, qartaıǵan sátterinde ómirdiń bar baqyty balalarynyń janynda bolýyna múmkindik berý kerektigin uǵyndyrady. Áke-shesheniń jabyrqaý kóńilderine qaıaý muń túsirmeı, kórgen beınetteriniń zeınetin kórsetý qajettigin nasıhattaıdy.
