OQO-da jastar arasynda qylmys azaıdy
ASTANA. QazAqparat - OQO-da jastar arasynda qylmys azaıdy, dep habarlaıdy QazAqparat ákimniń baspasóz qyzmetine silteme jasap.
Ońtústik Qazaqstan oblysynda jastar arasyndaǵy qylmys pen quqyqbuzýshylyq kórsetkishi 2017 jyly ótken jylǵa qaraǵanda 307-ge azaıǵan. Bul oblys kóleminde júzege asyrylyp jatqan «Jas saqshy» jáne «Jas polıtsııa kómekshileri», «Aıbyn» jobalary men mekenjaılyq kómek kórsetý jumystarynyń nátıjesi. Búgin bul týraly OQO óńirlik kommýnıkatsııalar qyzmetinde ótken brıfıngte jastar saıasaty jónindegi basqarma basshysy Balmarjan Narbekova málimdedi.
Basqarma basshysynyń aıtýynsha, «Serpin - 2050» jobasy aıasynda Soltústik aımaqtardaǵy joǵary oqý oryndarynda 6500-ge jýyq jas bilim alýda. Al kolledjderde tústik óńirden 1000-nan astam stýdent oqyp jatyr. Jalpy 4 jylda baǵdarlama boıynsha joǵary oqý oryndaryna oqýǵa qabyldanǵan stýdentterdiń 50 paıyzy Ońtústik Qazaqstan oblysynyń jastaryna tıesili.
Sondaı-aq, «Dıplommen aýylǵa» baǵdarlamasymen 2017 jyly 800-den astam mamanǵa joldama berilgen. Al onyń ishinde 300-ge jýyq jas turǵyn úımen qamtamasyz etilip otyr. Oblysta «Jastar praktıkasy» baǵdarlamasy da óz jalǵasyn taýyp keledi.
«Jastar praktıkasy» baǵdarlamasyna 2017 jyldyń 10 aıdyń qorytyndysy boıynsha 5294 jas tartylyp, ótken jylmen salystyrǵanda 159 adamǵa ósti. Sondaı-aq, 2017-2020 jyldarǵa arnalǵan óńirlik is-sharalar jospary udaıy oryndalyp keledi. Máselen, «Ólketaný» baǵdarlamasy aıasynda maýsym-qyrkúıek aılarynda oblystaǵy tarıhı-mádenı oryndarǵa jastardyń ekskýrsııalary uıymdastyrylyp, oǵan 5 myńnan astam jas qatysty. Sonymen qatar, óńirdegi jazǵy lagerlerge jalpy sany 247,6 myńnan astam jas barǵan», - dedi Balmarjan Narbekova.
Sonymen qatar, jastardyń ıntellektýaldyq, patrıottyq qasıetterin arttyrý maqsatynda jergilikti telearnalardan birneshe telejobalar uıymdastyrylyp otyr.
