OQO-da jasóspirimder qylmysyn boldyrmaýdyń aldyn alýǵa arnalǵan reıd ótti
ASTANA. QazAqparat - Taıaýda túngi ýaqytta zańdy ókilderinsiz oıyn-saýyq oryndarynda bolǵan jáne turǵyn jaıdan tys jerlerde bolǵan kámeletke tolmaǵandardy anyqtaý, sonymen qatar, sýyq qarý alyp júrgen jasóspirimderdi anyqtaý maqsatynda, OQO ІІD Jergilikti polıtsııa qyzmeti arnaıy reıdtik is-sharasyn ótkizdi.
Bilim berý organdarynyń ókilderin qatystyra otyryp jasalǵan sharada 13 jasóspirim anyqtalyp, olardyń ata-analaryna QR ÁQBtK-niń 442-babynyń 2-bóligi boıynsha, ákimshilik quqyqbuzýshylyq hattamalary toltyryldy.
Sonymen qatar, is-sharalar júrgizý barysynda, Ál-Farabı PB JPQ ıÝPT qyzmetkerlerimen Shymkent qalasy Toqaev kóshesi №18 úıdiń aýlasynda, kolledjdiń 3-kýrs stýdentiniń sómkesinen sur tústi «pyshaq» tabylyp, alyndy. Atalǵan oqıǵa, Ál-Farabı PB-niń KÝI-ǵa tirkelip, QR QK-niń 287-baby boıynsha tekserý amaldary júrgizilýde, dep habarlaıdy OQO JPQ baspasóz qyzmeti.
