OQO-da jasóspirim demalys aımaǵyna kelýshilerdi tonap kelgen
ShYMKENT. QazAqparat - Ońtústik Qazaqstan oblysynda jasóspirim demalys aımaǵyna kelýshilerdi tonap kelgen. Onyń túndeletip terezelerden kirip, demalýshylardyń aqshalary men baǵaly zattaryn qoldy etkeni anyqtaldy, dep habarlaıdy QazAqparat HAA tilshisi.
17 jastaǵy balanyń urlyq jasap júrgeni demalýshylardyń polıtsııaǵa aryzdanǵanynan keıin belgili boldy. Saıram aýdandyq ІІB-na demalys oryndarynyń birinde urlyq jasalǵany týraly habarlama tústi. Oqıǵa ornyna kelgen polıtseıler belgisiz bireýdiń syrttan kelgen azamattardyń bólmelerine kirip, aqshalary men uıaly telefondaryn urlap ketkenin anyqtaǵan.
Jedel izdestirý sharalary barysynda tártip saqshylary osy qylmystardy jasaǵan degen kúdikpen 2000 jyly týǵan jasóspirimdi ustady. Shymkent qalasynda turatyn bala osy mańda eki urlyq jasaǵanyn moıyndaǵan. Sóıtip jábirlenýshilerge 300 myń teńgedeı shyǵyn keltirgen. Qazir onyń ústinen Qylmystyq kodekstiń 188-shi baby «Tonaý» áreketi boıynsha is qozǵalyp, tergeý amaldary júrgizilýde. Aıǵaqty zattar da tárkilenip alyndy.
