OQO-da jas kásipkerlerge 1 mln teńgeden grant berildi
ShYMKENT. QazAqparat - Elimizde alǵash ret qolǵa alynǵan «Jastar korpýsyn damytý» jobasyna Kentaý qalasynan 18 jas qatysyp, 1 mıllıon teńgeden grant utyp aldy. Baıqaýǵa qatysýshylar 5 aı kóleminde shákirtaqymen jáne qaıtarymsyz grantpen qamtamasyz etiledi.
Jastarǵa mol múmkindik beretin bul jobany QR Bilim jáne ǵylym mınıstrligi men Halyqaralyq qaıta qurý jáne damý banki birlese júzege asyrýda. Maqsaty - jastardy áleýmettendirý, ásirese az qamtylǵan turǵyndar tobyn qoǵamdyq paıdaly isterge jumyldyra otyryp, yntalandyrý bolatyn.
Al, Kentaý qalasynan grant utqandardyń basym kópshiligi medıtsınalyq massaj jáne trenajer zaly, qus fermasy, kondıterlik, mal sharýashylyǵy, aǵylshyn tili klýby, shashtaraz, tigin sheberhanasy, ulttyq naqyshtaǵy sómke tigý men braın kitaby syndy jobalaryn usynǵan.
Aıta keteıik, atalǵan joba Qazaqstannyń 4 óńirinde, ıaǵnı Ońtústik Qazaqstan, Almaty, Pavlodar jáne Qaraǵandy oblystarynyń aýmaqtarynda eki jyldyq pılottyq joba aıasynda júrgiziledi.
