OQO-da jas azamat ózin urlady degen jalǵan qylmys uıymdastyrdy
ShYMKENT. QazAqparat - Ońtústik Qazaqstan oblysynyń turǵyny ózin bireýler urlap ketti dep aldap, qomaqty aqshany urlamaq bolǵan. Alaıda 22 jastaǵy jigittiń aram oıy iske aspaı qaldy, dep habarlaıdy «QazAqparat HAA tilshisi.
Belgili bolǵandaı, Saıram aýdandyq ishki ister basqarmasyna jergilikti turǵyn aryzdanyp, 1995 jyly týǵan týysy iz-túzsiz joǵalyp ketkenin kórsetken. Onyı aıtýynsha, jas jigit kúndiz Shymkent qalasyna saýda jasaýǵa shyǵyp ketip, qaıta oralmapty. Joǵalǵan azamatty izdeý maqsatynda polıtseıler barlyq ishki ister qurylymdaryna baǵdar berip, izdeýge kirisedi. Dál sol kúni tártip saqshylary Shymkent-Shaıan tas jolynyń boıynan joǵalǵan azamatqa tıesili avtokólikti tabady. Kóliktiń aldyńǵy terezesinde soqqy izderi men ishinde uıaly telefony qalypty. Sol kúni-aq osy oqıǵa boıynsha Qylmystyq kodekstiń 125-shi «Adam urlaý» babymen is qozǵap, tergeý sharalaryn júrgizgen. Jedel izdestirý is-sharasyn júrgizý barysynda iz-tússiz joǵalǵan 22 jastaǵy jigit Qyzylorda qalasynda jaldamaly páterlerdiń birinen tabyldy. Ol jaýap berý kezinde saýdadan túsken aqshany alyp, ózin urlady degen jalǵan habar bergen. Sóıtip, kórshi qalaǵa ketipti. Sol jaqta aqshany óziniń qajettiligine jumsamaq bolǵanın aıtqan. Qazirgi tańda polıtseıler oqıǵanyń oryn alý barysyn anyqtap, tergeý amaldaryn júrgizip jatyr. Qansha somany urlaǵanyn, ne maqsatqa jumsamaq bolǵanyn anyqtaýda.
