OQO-da jas aqyndardyń músháırasy ótti
ShYMKENT. QazAqparat - Ońtústik Qazaqstan oblysynda mədenıet jəne halyq shyǵarmashylyǵy ortalyǵynyń uıymdastyrýymen jas aqyndar arasynda «Jyr tunǵan júrek» oblystyq jyr músháırasy ótti. Baıqaýǵa óńirdiń aýdan, qalalarynan 28 jas jazba aqyn qatysyp, egemendi el jetistikteri men oblystyń qadir-qasıetin jyrǵa qosty, dep habarlaıdy QazAqparat tilshisi.
Elbasy N.Ə.Nazarbaevtyń «Bolashaqqa baǵdar: rýhanı jańǵyrý» maqalasy aıasynda «Týǵan jer» baǵdarlamasyn júzege asyrý men Ońtústik Qazaqstan oblysynyń 85 jyldyǵyna oraı uıymdastyrylǵan sharada táýelsizdik jyldaryndaǵa qazaq eliniń jetken jetistikteri aıtyldy. Jas sóz zergerleri «Təýelsizdigim-tiregim», «Ońtústigim-jyr elim» taqyryptary aıasynda óleń órdi.
Birinen biri ozǵan aqyndar jınalǵan kópshilikti daryndarymen, sýyryp salmalyǵymen tánti etti. Baıqaý qortyndysynda olardyń shyǵarmalary sarapqa salynyp, bas júlde M.Əýezov atyndaǵy OQMÝ stýdenti Núrken Nurǵazyǵa berildi. Birinshi oryndy tólebılik Qanyǵalı Boranbaı ıemdense, ekinshi oryn M.Əýezov atyndaǵy OQMÝ stýdenti Bekzat Nurtaıdyń enshisine buıyrdy. Úshindi orynǵa Otyrar aýdany, Shəýildir aýylynan Balnur Baltabaıqyzy ıe boldy. Jeńimpazdarǵa oblystyq mədenıet jəne halyq shyǵarmashylyǵy ortalyǵynyń dırektory Nurlan Ədilhanov alǵys hat pen qarjylaı syılyqtar tabystady.
«Qanshama aqyny men daryny týǵan kúngeı ólkeniń jas talanttaryn el ishinen izdep tabý, olarǵa qoldaý kórsetý oblystyq mədenıet jəne halyq shyǵarmashylyǵy ortalyǵynyń negizgi mindeti bolmaq. Búgingi jyr músháırasynyń da maqsaty qalamynan qara óleń týdyrǵan jańa tolqyn aqyndardy taný, irikteý, aǵa býyn ókilderimen pikir almastyra otyryp, shyǵarmashylyq izdenisti arttyrýǵa jaǵdaı jasaý. Shara aldaǵy ýaqytta dəstúrli túrde ótip otyrady»,-dedi ortalyq dırektorynyń orynbasary Berik Jorabekov.
