OQO-da jarty jylda qyrym qandy bezgegin juqtyrǵan 5 adamnyń ekeýi kóz jumdy
ShYMKENT. QazAqparat - Ońtústik Qazaqstan oblysynda jyl basynan beri 3 315 adamdy kene shaǵyp alǵan. Tekserý nátıjesinde 61 turǵyn qyrym qandy bezgegin juqtyrdy dep kúdiktelse, 5 adamda juqpaly aýrý rastalyp otyr, dep habarlaıdy QazAqparat HAA tilshisi.
Keneden keletin kesel Maqtaral, Túlkibas, Shardara, Báıdibek pen Otyrar aýdandary turǵyndarynan shyqqan. Qazir juqpaly aýrý juqtyrǵandardyń ekeýi kóz jumdy.
Halyq sany tyǵyz ornalasqan óńirde qutyrý aýrýy da tirkeldi. Bıyl 6 aıda qutyrý dertin juqtyrǵan 2 naýqas ta qaıtys boldy. Degenmen sala mamandary bul kórsetkishter ótken jyldyń osy merzimimen salystarǵanda azaıyp otyrǵanyn aıtady. Al, Túkistan, Shymkent qalalary men Maqtaral, Saryaǵash, Qazyǵurt, Saıram aýdandarynda janýarlardan jaraqat alǵandar qatary burynǵysha kóbirek anyqtalǵan.
«Bıylǵy jyly atalǵan aýrýlardyń aldyn alý maqsatynda asa qaýipti juqpaly aýrýlarǵa kúdikti naýqastardy der kezinde erte anyqtaý jáne oqshaýlaý sharalary júrgizildi. Aýla aralaý jumysyn sapaly ótkizýdi únemi uıymdastyrý, árbir medıtsına uıymdaryndaǵy qyzmetkerler tarapynan halyq arasynda úgit-nasıhat jumystary qolǵa alynǵan. Buqaralyq aqparat quraldary arqyly suhbattar men aqparattar berilip, medıtsına mekemeleriniń qyzmetkerleriniń kásibı bilim deńgeıin arttyrý maqsatynda semınar-trenıngter ótkizip jatyrmyz. Sońynan attestatsııa júrgizý qamtamasyz etiledi», - deıdi oblystyq densaýlyq saqtaý basqarmasynyń basshysy Muqan Egizbaev.
Sonymen qatar turǵyndar arasynda asa qaýipti juqpaly aýrýlardy anyqtaý maqsatynda kene shaqqandardy, kúdikke ilikkender men aýyrǵandardy tirkeý jumystarynyń monıtorıngi jasaldy. Búginge deıin aýla aralaý kezinde 130 myńnan asa turǵyn qamtylǵan.
Al, búgin oblystyq klınıkalyq aýrýhana bazasynda halyqaralyq CDC/CAR uıymynyń klınıkalyq epıdemıology Ivan Ivasıvtiń qatysýymen semınar trenıng ótýde. «Asa juqpaly aýrýlar. Kongo-Qyrym qandy bezgegi jáne qutyrý. Etıologııa. Epıdemıologııa. Klınıka. Dıagnostıka jáne emdeý. Profılaktıka. Dárigerdiń taktıkasy» taqyrybynda uıymdastyrylǵan sharada oblystaǵy asa juqpaly aýrýlardyń aldyn alý, anyqtaý boıynsha medıtsına qyzmetkerleri biliktilikterin arttyratyp jatyr.
