OQO-da jarty jylda 371 mlrd teńgeniń ónerkásip ónimi óndirildi
ASTANA. QazAqparat - Ońtústik Qazaqstan oblysynda osy jyldyń 6 aıynda 371,5 mlrd teńgeniń ónerkásip ónimi óndirilgen. Onyń ishinde óńdeý ónerkásibiniń ónim kólemi 250,4 mlrd teńgeni qurap otyr, dep habarlaıdy OQO ákiminiń baspasóz qyzmeti.
Al, asa mańyzdy ónimderdiń ishinde maqta talshyǵy - 3,6 esege (29,9 myń tonna), taýarlyq beton - 44,1% (555 myń tonna), qurylys kirpishteri - 5,4% (74,6 myń m3), portlandtsement - 22,2% (1276,6 myń tonna) artqan.
Sondaı-aq, óńirde osy alty aı ishinde aýyl sharýashylyǵynyń jalpy ónim kólemi 139,1 mlrd. teńgeni quraǵan. Bul ótken jyldyń tıisti kezeńimen salystyrǵanda 2,9 paıyzǵa artyq. Onyń ishinde ósimdik sharýashylyǵy 21,8 mlrd teńge bolsa, mal sharýashylyǵy 117,2 mlrd teńge bolyp otyr.
Jalpy osy jyldyń 6 aıynda oblystyń barlyq sharýashylyq sanattarynda 130,2 myń tonna et, 379 myń tonna sút, 162,8 mln dana jumyrtqa óndirildi. Al, aımaqtaǵy sharýashylyqtardyń barlyq sanattaryndaǵy iri qara mal sany 1087,8 myń basty, qoı 4579,7 myń , jylqy 306,4 myń, túıe 27,6 myń, qus sany 2346 myń basty qurady.
Conymen qatar, jumys istep turǵan shaǵyn jáne orta kásipkerlik sýbektileriniń sany 178,7 myń birlikti qurasa, bularǵa jumyspen qamtylǵandar sany 331,5 myń adamdy qurady. Al osy jylǵy qańtar-naýryzda shaǵyn jáne orta kásipkerliktegi sýbektileriniń ónim shyǵarylymy 158,3 mlrd teńge bolyp otyr.
