OQO-da jarty mıllıon teńgeniń altyn buıymdaryn urlaǵan jigit qolǵa tústi
ShYMKENT. QazAqparat - Ońtústik Qazaqstan oblysynda jarty mıllıon teńgeniń altyn buıymdary urlanǵan. Qazir osy qylmysqa qatysy bar degen Atyraýlyq qolǵa tústi, dep habarlaıdy QazAqparat HAA tilshisi.
Arys aýdandyq ІІB-ge jergilikti turǵyn aryzdanyp, belgisiz bireýler úıinen altyn alqa, syrǵa, júzikterin urlap ketkenin aıtypty. Joǵalǵan buıymdardyń jalpy quny 500 myń teńgeni quraǵan.
Osy oqıǵaǵa baılanysty polıtseıler Qylmystyq kodekstiń «Tonaý» babymen is qozǵap, jedel izdestirý sharalaryn júrgizdi. Nátıjesinde osy qylmysqa qatysy bar degen kúdikpen Atyraý oblysynyń 22 jastaǵy turǵyny qolǵa tústi. Seziktiniń buǵan deıin de osyndaı qylmys jasaǵany úshin sotty bolǵany anyqtaldy. Tintý barysynda aıǵaqty zattar tabylyp, jábirlenýshige qaıtaryldy.
Tergeý sharalary barysynda ol urlyqty jalǵyz ózi jasaǵanyn aıtqan. Úı ıeleri ketip qalǵan sátti paıdalanyp, ishke kirgen. Sóıtip altyn buıymdardy qoldy etipti. Birqatar bóligin satyp, qajettiligine jaratqan. Qazir kúdikti ýaqytsha tergeý abaqytysyna qamalyp, onyń ózge de qylmystarǵa qatystylyǵy anyqtalýda.
