OQO-da jańa jyl túni 167 sábı dúnıege kelgen
ShYMKENT. QazAqparat - Ońtústik Qazaqstan oblysynda jańa jyl túni 167 sábı dúnıege kelgen, dep habarlaıdy QazAqparat. Nárestelerdiń 87-si ul bala bolsa, qalǵany - qyz balalar. Dárigerlerdiń aıtýynsha, sábılerdiń densaýlyqtary jaqsy.
Jarqyn Úkibaeva - jańadan bosanǵan jas ananyń biri. Ol ómirge qyz bala alyp keldi. Esimin yrymdap Іzetjan dep qoıypty. Munan bólek onyń otbasynda úsh perzent bar.
«Taýyq jylynyń alǵashqy túninde bosandym. Dárigerler qyz bala ekenin aıtqanda, qatty qýandym, sebebi, úıimde munan bólek úsh er balam bar edi. Endi perzentterim qaryndastaryn qaraılap júretin boldy»,-deıdi J. Úkibaeva.
Al Shymkenttegi №1 oblystyq perınataldyq ortalyqta 30 bala týylǵan. Olardyń 16-sy ul bolsa, 14-i qyz bala, deıdi bólimshe meńgerýshisi Sholpan Qalybekova. Qazirgi maqsat - shaqalaqtardyń densaýlyqtaryn qadaǵalap, erterek úılerine qaıtarý. Sebebi, sábıdi anasymen birge otbasynda týystary kútip otyr.
Almas Sultan
