OQO-da jańa týǵan nárestesin óltirip, qoqys jáshigine tastaǵan áıel ustaldy
ShYMKENT. QazAqparat - Shymkentte jańa týǵan nárestesin óltirgen áıel ustaldy, dep habarlaıdy QazAqparat tilshisi.
Jańa týǵan sharananyń máıiti osy jyldyń 20 qazan kúni qoqys jáshiginen tabylǵan bolatyn. Atalǵan jaıt boıynsha polıtseıler Qylmystyq kodekstiń 100-baby «Jańa týǵan balany anasynyń óltirýi» boıynsha is qozǵap, kúdikti áıeldi izdestirgen edi.
Іzdeý sharalaryna oblystyq ІІD-niń barlyq jeke quramy jumyldyryldy. Nátıjesinde sezikti áıel ustalyp, onyń Astana qalasynyń 26 jastaǵy turǵyny ekeni anyqtaldy. Qylmys jasaǵan kelinshek sol Astana qalasynan tabyldy.
Tergeý barysynda ol óz kinásin tolyq moıyndap, ne sebepti tastaǵanyn aıtqan. Alaıda ishki ister qyzmetkerleri onyń jaýabyn ashyp aıtpaı otyr. Qazirgi tańda polıtseıler qylmystyń barlyq mán-jaıyn anyqtap, sotqa deıingi tergeý amaldaryn júrgizýde.
Sezikti áıel jaqyn kúnderi Shymkent qalasyna jetkizetin bolady.
