OQO-da jańa oqý jylynda 611 myń oqýshy bilim alady
ShYMKENT. QazAqparat - OQO-da jańa oqý jylynda 611 myń oqýshy bilim alady. Bul málimet óńir basshysy B.Atamqulovtyń qatysýymen ótken «Bilimdi el-máńgi el» taqyrybyndaǵy oblystyq tamyz pedagogıkalyq keńesinde aıtyldy.
Oblys ákiminiń baspasóz qyzmetiniń habarlaýynsha, konferentsııa barysynda jańa 2016-2017 oqý jylyna qoıylǵan mindetter men maqsattar baıandalǵan. Aıta keteıik, ótken oqý jylynda oblysta 584 myńnan asa oqýshy bilim alsa, al 2016-2017 jańa oqý jylynda 611 myń oqýshy bilim alady dep kútilýde. Bıylǵy jyly oblysta Táýelsizdiktiń 25 jyldyǵyna oraı 25 mekteptiń esigi oqýshylardyń aldynda ashylatynyn málimdegen óńir basshysy 2016-2019 jyldar aralyǵynda 177 mektepke deıingi bilim uıymdaryn ashý josparda ekenin aıtyp ótti.
Pedagogtar keńesi kezinde bilim salasynda úzdik jetistikterge jetip, biliktiligimen erekshelengen Janar Mustafaeva, Mýkkaram Týrgýnovalarǵa 2 bólmeli, al Baǵlan Baımahanovqa 3 bólmeli páterdiń kilti tabystaldy. Sondaı-aq birqatar ustazdar mınıstrliktiń jáne oblys ákiminiń alǵys hatymen jáne «Ybyraı Altynsarın» atyndaǵy tós belgisimen marapattaldy.
