OQO-da jańa oqý jylynda 20 jańa mektep paıdalanýǵa beriledi
ShYMKENT. QazAqparat - Ońtústik Qazaqstan oblysynda jańa oqý jylynda 20 jańa mektep paıdalanýǵa beriledi. Jańadan salynǵan bilim oshaqtarynyń 6-ýy Shymkent qalasynda ornalasqan, dep habarlaıdy QazAqparat HAA tilshisi.
Oblys ákimdiginiń baspasóz qyzmeti habarlaǵandaı, jańa nysandar taǵy alty aýdanda boı kótergen. Atap aıtqanda Tóle bı aýdanynda - 1, Saıram aýdanynda -3, Qazyǵurt aýdanynda -4, Báıdibek aýdanynda -1, Saryaǵash aýdanynda -3, Maqtaral aýdanynda -2 nysan salyndy. Osylaı úsh aýysymdy bilim beretin mektepterdiń sany 43-ten 23-ke azaıdy. Al, qalǵan 23 mekteptiń qurylysyn 2018-2019 jyldary aıaqtaý josparlanyp otyr.
Aıta keteıik, bıyl óńirde mektepterdiń qurylysyna 31,2 mlrd teńge bólinip, búginde 79 bilim nysanynyń qurylysy júrgizilýde. 20 mektep jańa oqý jylynda tapsyrylsa, 29 bilim nysany jyl sońynda paıdalanýǵa berilmekshi.
