OQO-da jańa oqý jylyna qajet oqýlyqtar mektepterge taratylyp jatyr
ShYMKENT. QazAqparat - Ońtústik Qazaqstan oblysynda jańa oqý jylyna qajet oqýlyqtar mektepterge taratylyp jatyr. Óńir boıynsha 15 baspamen kelisim-shart jasalyp, oqýlyqtardy jetkizý bekitilgen merzim aralyǵynda iske asyrylýda, dep habarlaıdy QazAqparat HAA tilshisi.
Oblystyq bilim basqarmasy baspasóz qyzmetiniń málimetinshe 2, 5, 7 synyptardyń oqýshylaryn barlyq oqýlyqtarmen jáne oqý-ádistemelik keshenderimen tolyǵymen qamtamasyz etý úshin jergilikti bıýdjetten 4,4 mlrd teńge bólingen. Búginde alynǵan oqýlyqtar bilim berý uıymdaryna 25 tamyzǵa deıin tasymaldanyp bitedi. Sonymen qatar basqa da synyptardyń jetispeıtin oqýlyqtarymen kitap almasý arqyly tolyqtyrylý josparlanýda.
Aıta keteıik, elimizde árbir besinshi bala ómirge keletin ońtústik óńirinde 1 200-den astam bilim oshaǵy bar. Sondaı-aq «Nurly jol» baǵdarlamasy boıynsha jyl sońyna deıin 19 mektep paıdalanýǵa berilmek. Atalǵan nysandar tolyq aıaqtalyp, halyq ıgiligine berilgende, óńirde 12 myń oqýshy 8 apatty, 11 úsh aýysymdy mektepterdiń ornyna sý jańa bilim oshaqtarynda tálim alatyn bolady.
