OQO-da jańa maqta suryby shyǵaryldy
ASTANA. QazAqparat - Mundaı jańalyq Túrkistanda dástúrli túrde ótetin «Aq kerýen» maqta terimi sharasy barysynda aıtylyp, jurtshylyqqa tanystyryldy, dep habarlaıdy QazAqparat Túrkistan qalasy ákiminiń baspasóz qyzmetine silteme jasap.
Qarashyq aýyldyq okrýgindegi «Turan» sharýa qojalyǵynda ótken jıynǵa kelgen qatysýshylar, aldymen, maqta alqaptaryn aralaýdan bastady.
Bıologııa ǵylymdarynyń doktory A.Sultanov pen Aýyl sharýashylyǵy ǵylymdarynyń kandıdaty Á.Álıev sorttardyń erekshelikteri týraly áńgimelep berdi. Ereksheligi sol, bul maqta talshyǵynyń uzyndyǵy kádimgi suryptaǵy maqtaǵa qaraǵanda áldeqaıda joǵary. ıAǵnı, «Túrkistan» maqtasynyń talshyǵy 4-úlgige jatady. Maqtanyń bul túri toqyma ónerkásibinde keńinen paıdalanylady. Endi túrkistandyq kásipkerler ońtústiktegi toqyma kásiporyndaryn jergilikti shıkizatpen qamtýǵa tolyq kepildik bere alady.
Aıta keteıik, túrkistandyq maqtashylar bıyl 17 myń tonna shıtti maqta jınaýǵa nıetti. Qala ákiminiń orynbasary T.Musaevtyń aıtýynsha, Túrkistanda ótken jyly 3500 gektar jerge maqta egilse, bıyl bul kórsetkish 6600 gektarǵa ulǵaıǵan.
