OQO-da jańa basqarma qurylady
ShYMKENT. QazAqparat - Ońtústik Qazaqstan oblysynda jańa basqarma qurylady. Pılottyq joba retinde qurylatyn basqarma «Otbasy jáne jasóspirimder isi» dep atalmaq. Basqarma aımaqtaǵy jasóspirimderdiń isinen ózge áıelderge qatysty barlyq máselelerdi qaraıtyn bolady. Bul týraly QR Bas prokýrorynyń aǵa kómekshisi Saltanat Tursynbekova málimdedi, dep habarlaıdy QazAqparat HAA tilshisi.
QR Bas prokýratýrasy usynǵan pılottyq joba ázirge tek Ońtúsik Qazaqstan oblysynda ǵana júzege asyrylady. Sebebi, óńirde halyq sany kóp. Ekinshiden, áıelder otbasylyq jaǵdaıyna baılanysty oqıǵalar týraly ashyq aıtqandy jón kórmeıdi. Máselen, ótken jyly oblysta áıelderdiń zombylyǵy boıynsha 12812 oqıǵa bolsa, bıylǵy jyldyń bes aıynda osyndaı 4230 jaǵdaı tirkelgen.
Budan bólek Saryaǵash aýdany men Shymkent qalasynda «Áleýmettik psıhologııalyq súıemeldeý ortalyǵy» ashylmaq. Ortalyq áleýmettik kúızelispen balanysty máselelermen jáne olardyń aldyn alýmen aınalysady dep kútilýde.
Eger bul bastamalar tıimdi dep tanylsa, elimizdiń barlyq óńirlerinde de osyndaı basqarmalar jumys isteıtin bolady.
