OQO-da zańsyz jolaýshylar tasymalymen kúres kúsheıtilmek
ShYMKENT. QazAqparat - Ońtústik Qazaqstan oblystyq jolaýshylar kóligi jáne avtomobıl joldary basqarmasynyń mamandary zańsyz tasymalmen kúresýdiń erekshe ádisin oılap tapty, dep habarlaıdy QazAqparat HAA tilshisi.
Ol úshin mamandar túrli aýdanaralyq baǵyttarda jolǵa shyǵyp júrgen árbir shaǵyn avtobýsqa «Jolaýshylar kóligi» degen jazýy bar oblystyń logotıpi men tasymaldaýshy mekemeniń jáne baǵyttyń ataýyn ornalastyrýda,
ıAǵnı, budan bylaı, qatynas kóliginde mundaı málimetteri bar logotıp bolmasa, ol zańsyz jolaýshylar tasymalymen aınalysatyn avtokólik bolyp tabylady.
Búginge deıin basqarma mamandary aýdanaralyq turaqty baǵyttarǵa qyzmet kórsetetin 354 (75%) shaǵyn avtobýsqa osynaý belgilerdi ornatyp úlgerdi. Aıtýlarynsha, bul jańalyq óńirdegi zańsyz tasymal qatynasyn jáne sonyń kesirinen bolatyn jol-kólik oqıǵalaryn aıtarlyqtaı azaıtýǵa múmkindik beredi. Óıtkeni, arnaıy belgisi bar kólikterge baǵyttarǵa shyǵar aldynda kúndelikti joldama berilse, bul qujat kólik pen ony júrgizýshiniń tıisti tekserýlerden ótkendigin, jolaýshylar úshin bul shaǵyn avtobýstar qaýipsiz ekendigin aıǵaqtaıdy.
Sondaı-aq kúngeıdegi barlyq avtovokzaldarda jolaýshylardy zańdy tasymaldaýshy kólikterge otyryp qatynaý boıynsha úgit-nasıhat jumystary qyzý júrgizilýde. Óńir turǵyndaryna zańdy jáne zańsyz tasymaldaýdyń aıyrmashylyǵy kórsetilip, tek zańdy tasymaldaý qyzmetin paıdalaný qajettiligi túsindirilip jatyr.
Mamandardyń zertteýlerinshe, avtobýstardyń (shaǵyn avtobýstardyń) qatysýymen oryn alatyn jol-kólik oqıǵalarynyń 90%-y zańsyz jolaýshylar tasymalyna tıesili eken. Zańsyz jolaýshylar tasymalymen aınalysatyn avtobýstar (shaǵyn avtobýstar) reıs aldyndaǵy tehnıkalyq baıqaýdan, júrgizýshileri reıs aldyndaǵy medıtsınalyq tekserilýden ótpeıtindikten adam ómiri men densaýlyǵyna úlken qaýip tónedi.
Aıta ketý kerek, búginde aımaqta jolaýshylar tasymaldaý qyzmetin jeke menshik nysandaǵy 62 tasymaldaýshy kompanııa jergilikti atqarýshy organdarmen túzilgen kelisim sharttar negizinde júrgizedi. Olarǵa tıesili 2724 avtobýs (shaǵyn avtobýs) turǵyndarǵa qyzmet kórsetedi. Oblystaǵy barlyq jolaýshy tasymaldaý baǵyttar jelisi búgingi kúni 392 baǵyttaǵy 2266 kesteden turady.
