OQO-da zańsyz jolaýshy tasymalymen aınalysatyn kólikter kóbeıip ketken
ShYMKENT. QazAqparat - OQO-da zańsyz jolaýshy tasymalymen aınalysatyn kólikter kóbeıip ketken. «Avtobýs» aldyn alý is-sharasyn ótkizgen óńirdiń jergilikti polıtsııa qyzmetkerleri osyndaı zańbuzýshylyqqa jol bergen júrgizýshilerdi ákimshilik jaýapkershilikke tartty, dep habarlaıdy QazAqparat HAA tilshisi.
Jol-patrýldik polıtsııa polki men batalonynyń mobıldi toby kólik baqylaý jáne qoǵamdyq kólik mekemesiniń ókilderimen birlese jolaýshy tasymaldaıtyn avtobýstardyń tehnıkalyq jaǵdaıyn, júrgizýshilerdiń tirkeý qujattaryn tekserdi. Jol erejeleri men jolaýshy tasymaldaý normalarynyń saqtalýyna basa nazar aýdardy.
Nátıjesinde jalpy qoǵamdyq kólik quraldaryna qatysty 604 ákimshilik hattama túzip, onyń ishinde 22 júrgizýshiniń zańsyz jolaýshy tasymalymen aınalysyp júrgenin anyqtady. Al, «Qaýipsiz jol» jedel aldyn alý is-sharasy barysynda qoǵamdyq kólik quraldaryna qatysty 125 ákimshilik hattama túzilip, kináli tulǵalarǵa shara qoldandy.
Aıta keteıik, jyl basynan beri óńirde jol qozǵalysy qaǵıdasynyń talaptaryn buzǵan qoǵamdyq kólik júrgizýshilerine qatysty 963 ákimshilik hattama túzilgen.
Polıtseıler osylaısha jol-kólik apattarynyń sanyn tómendetýge, ásirese qoǵamdyq kólik júrgizýshilerimen oryn alatyn jol erejesin buzýshylyq jaıttarynyń aldyn almaq.
