OQO-da zańsyz qoıan atqan brakonerler ustaldy
ShYMKENT. QazAqparat - Ońtústik Qazaqstan oblysy, Sozaq aýdanynda zańsyz ań aýlap júrgender ustaldy. Tekserý barysynda brakonerlerden jıyrma shaqty qoıannyń eti tabyldy , dep habarlaıdy QazAqparat tilshisi.
Sozaq aýdandyq ІІB qyzmetkerleri tabıǵat qorǵaý ınspektorlarymen birge reıdtik sharalar júrgizgen. Tekserý kezinde quqyq qorǵaý organy ókilderi «Ýaz» kóligin toqtatady. Mashınada júrgizýshimen birge úsh jolaýshy bolǵan. Kólikti tekserý kezinde 17 qoıannyń eti men 2 ańshy qarýy men jaryq túsirgish qural tárkilendi.
Qazirgi tańda osy derek boıynsha Qylmystyq kodekstiń «Zańsyz ańshylyq» baby boıynsha is qozǵalyp, tergeý amaldary júrgizilýde.
