OQO-da zańsyz balyq aýlaýdyń 70-ke tarta deregi anyqtaldy
ShYMKENT. QazAqparat - Ońtústik Qazaqstan oblysynda zańsyz balyq aýlaýdyń 70-ke tarta deregi anyqtaldy. Balyq ýyldyryq shashatyn kezeńde brakonerliktiń jolyn kesý, zańsyz balyq aýlaýdy boldyrmaýǵa baǵyttalǵan «Ýyldyryq» jedel aldyn alý is-sharasyn ótkizgen tártip saqshylary kináli tulǵalardy ákimshilik jaýapkershilikke tartty, dep habarlaıdy «QazAqparat HAA tilshisi.
Atalǵan shara barysynda brakonerlikti boldyrmaý jáne balyq resýrsyn saqtaý, sondaı-aq zańsyz balyq aýlaý, satyp alý jáne tasymaldaý derekterin anyqtaý maqsatynda Jergilikti polıtsııa qyzmetiniń tabıǵatty qorǵaý polıtseleri sý qoımalary aýmaǵynda mobıldi toptar quryp, reıdtik sharalar júrgizdi. Onda zańsyz balyq aýlaý jaıttary boıynsha 4 ekologııalyq qylmys anyqtaldy. Máselen, Saryaǵash aýdanynda sý qoımalarynyń mańynda zańsyz elektr aýmen balyq aýlap júrgen 1984 jyly týylǵan jergilikti turǵyn ustaldy. Kúdiktiden aıǵaqty zat retinde balyq aýlaý qurylǵylaryn 8 kg balyq jáne qaıyǵy tárkilendi. Atalǵan jaıt boıynsha QR QK 355 babymen qylmystyq is qozǵalyp sotqa deıingi tergeý amaldary júrgizilýde.
Tabıǵatty qorǵaý polıtseleri reıdtik shara barysynda 65 ákimshilik quqyqbuzýshylyq, sonymen qatar balyq resýrstaryn qorǵaý erejesin buzǵany úshin 56 quqyqbuzý jaıttaryn anyqtap bir mıllıon tenge kóleminde aıyppul saldy.
Aıta keteıik, óńirde 10 sáýirde bastalǵan «Ýyldyryq» jedel profılaktıkalyq is-sharasy 30 mamyrǵa deıin jalǵasady.
