OQO-da zańsyz balyq aýlaýdyń 117 deregi anyqtaldy
ShYMKENT. QazAqparat - Ońtústik Qazaqstan oblysynda sáýir aıynda bastalǵan «Ýyldyryq» jedel aldyn alý is-sharasy barysynda polıtseıler zańsyz balyq aýlaýdyń 117 deregin anyqtady. Sonyń ishinde 6 tulǵa qylmystyq jaýapkershilikke tartylyp, 3 turǵynnyń is-qujattary sotqa joldandy, dep habarlaıdy QazAqparat tilshisi.
OQO ІІD baspasóz qyzmetiniń málimetinshe, jergilikti polıtsııa qyzmetiniń ókilderi oblys aýmaǵyndaǵy sý aıdyndarynda ýyldyryq shashý mezgilinde balyqtardy qorǵaý baǵytyndaǵy jumystaryn shırata tústi. Tekserý barysynda túrli zańbuzýshylyqqa jol bergen 103 tulǵa ákimshilik jaýapkershilikke tartylyp, sonyń ishinde 8 tulǵanyń ákimshilik materıaldary sotqa joldanǵan. Máselen, tártip saqshylary atalǵan shara kezinde Shardara sý qoımasynyń jaǵalaýynda elektr toǵyn paıdalanyp zańsyz balyq aýlap júrgen jas jigitti qolǵa túsirdi. Ustalǵan azamattan eki eskekti rezeńke qaıyǵy, sorǵy, toq kóbeıtkish qural jáne aýlanǵan balyqtar tárkilendi. Atalǵan derek boıynsha Saryaǵash aýdandyq ishki ister basqarmasynyń qyzmetkerlerimen Qylmystyq kodekstiń «balyq resýrstaryn, basqa da sý janýarlaryn nemese ósimdikterin zańsyz aýlaý» babymen is qozǵalyp, sotqa deıingi tergeý amaldary júrgizilýde. 
Oblys aýmaǵynda balyq aýlaýdyń erejesin buzǵandarǵa 1 238 575 teńge kóleminde aıyppul salynyp, sonyń 721 500 teńgesi memleket qazynasyna óndirilgen.
Óńir polıtseıleri «Ýyldyryq» jedel aldyn alý is-sharasy aǵymdaǵy jyldyń 31 mamyryna deıin jalǵasatynyn eskertedi.
