OQO-da zańsyz balyq aýlaǵandarǵa 1 mln teńgeden astam aıyppul salyndy
ShYMKENT. QazAqparat - Ońtústik Qazaqstan oblysynda zańsyz balyq aýlaýǵa qatysty 80-nen astam zańbuzýshylyq tirkeldi, dep habarlaıdy QazAqparat tilshisi.
Óńirde 4 sáýirden bastap «Ýyldyryq shashý maýsymy» jedel-profılaktıkalyq sharasy ótkizilýde. Jergilikti polıtsııa ókilderi men beıindi qyzmetkerler tarapynan qurylǵan mobıldi top reıd barysynda sý qoımalary mańyn baqylaýǵa aldy. Shara barysynda 3 ekologııalyq qylmys anyqtalyp, odan basqa zańsyz balyq aýlaǵandarǵa qatysty 80-nen astam ákimshilik hattama toltyrylǵan.
Máselen, Arys qalalyq ishki ister basqarmasynyń qyzmetkerleri jergilikti turǵynnyń avtokóliginen shamamen 150 keli zańsyz aýlanǵan balyqty tárkiledi. Sondaı-aq, odan balyq aýlaıtyn jabdyqtar tabyldy.
Budan bólek, balyq aýlaý erejesin buzǵan 80-nen astam adam ákimshilik jaýapkershilikke tartyldy. Jalpy somasy mıllıon teńgege aıyppul salyndy. Polıtsııa turǵyndarǵa reıd sharalary 31 mamyrǵa deıin jalǵasatynyn eskertedi.
