OQO-da ys tıgen eki zeınetker men 3 jasar bala aýrýhanaǵa jetkizildi
ASTANA. QazAqparat - OQO-da ystan ýlanǵan úsh jasar bala aýrýhanaǵa jetkizildi, dep habarlaıdy «QazAqparat» HAA tilshisi oblystyq TJD-ǵa silteme jasap.
«13 naýryzda saǵat 17:15-te Badam aýyldyq okrýgi Qanybek kóshesindegi turǵyn úıde peshtiń aqaýy saldarynan 3 adam ystan ýlanǵan: 69 jastaǵy er adam, 63 jastaǵy áıel men 3 jasar bala. Barlyq zardap shegýshiler aýrýhanaǵa jetkizildi», delingen vedomstvonyń habarlamasynda.
2018 jyldyń basynda OQO-da ystan ýlanǵan 8 jaǵdaı tirkelip, odan 18 adam zardap shekken, onyń 11-i, sonyń ishinde eki bala, qaza tapqan.
