OQO-da ıogýrttar túıe sútinen daıyndalady
ShYMKENT. QazAqparat - Ońtústik Qazaqstan oblysynda sozaqtyq kásipker túıe sútinen ıogýrt daıyndaýdy qolǵa aldy.
Aýdan ortalyǵy - Sholaqqorǵan aýylyndaǵy «Arýana» aýyl sharýashylyǵy óndiristik koorperatıvi osynaý kásip túrimen aınalysyp júrgen birden-bir kásiporyn. Kooperatıv túıe sútinen bólek, sıyr sútin de qabyldaıdy, dep habarlaıdy QazAqparat HAA tilshisi.
Búginde seriktestik tórt túrli aǵarǵan - shubat, sıyr súti, aıran, qaımaq ázirlep, jergilikti dúkenderge jóneltýde. Al, taıaýda sútten ıogýrt pen kilegeı ázirlep, endi saýda oryndaryna taratpaqshy. Alýshylar negizinen ýran óndiretin óndiris oryndary bolyp otyr.
«Alǵashqy kezde 500 lıtrge laıyqtalǵan jumys istedik. Qazirgi túıe sútin óńdeý múmkindigi táýligine 1 tonnaǵa deıin jetip otyr. Osylaısha, isimizdi jolǵa qoıyp kelemiz. Taıaýda, aýdandaǵy ýran óndirý kásiporyndarymen ondaǵy árbir jumysshyǵa 0,5 lıtrden shubat jetkizip otyrýǵa kelisimge keldik», - deıdi «Arýana» óndiristik koorperatıviniń tóraǵasy Janbolat Ádıshov.
Jalpy,shubat óńdeý tsehy ornalasatyn ǵımaratty daıyndap, jóndeý jumystary men sútti óńdeıtin qurylǵyny alý úshin kooperatıv jetekshiligi «YRYS» MQU» JShS-nen 12 mln. teńge nesıe alǵan. Búginde jumysyn jandandyryp jatqan ujymshar aldaǵy ýaqytta túıe sútin óńdeý úlesin arttyrý arqyly kúnine onyń táýliktik qýatylyǵyn 5 tonnaǵa deıin jetkizbek nıette. Osylaısha kásipker óz isin damytyp, ónim túrlerin kóbeıtýdi josparlap qoıǵan. Aıta ketý kerek, Sozaq aýdanynda búgingi tańda 10 myńǵa jýyq túıe bar.
