OQO-da «WORLDSKILLS SHYMKENT - 2018» chempıonaty ótýde
ShYMKENT. QazAqparat - Ońtústik Qazaqstan oblysynda tórt mamandyq boıynsha «WORLDSKILLS SHYMKENT - 2018» chempıonaty ótýde. Onda úzdik tehnıkalyq jáne kásiptik bilim beretin oqý oryndarynan kelgen jastar sheberlikteri boıynsha synǵa túsýde, dep habarlaıdy QazAqparat tilshisi.
«Bolashaqqa baǵdar: rýhanı jańǵyrý» maqalasy aıasynda oblystyq bilim basqarmasy uıymdastyrǵan sharada kolledj stýdentteri «Mamandyqtar álemi» jobasy boıynsha saıysyp jatyr. Máselen, ındýstrıaldy-qurylys kolledj bazasynda jastar aǵash isi, kirpish qalaý, qurǵaq qurylys, sylaq jumystary jáne plıta qalaý boıynsha sheberlikterin kórsetýde. Al, Jol-kólik kolledjiniń bazasynda qatysýshylar «Jeńil avtokólikterdi jóndeý jáne tehnıkalyq qyzmet kórsetý» boıynsha bilimderin tájirıbe júzinde kórsetti.
Chempıonattyń ótý barysy barlyq talaptarǵa sáıkestendirilip, ony oblystyq bilim basqarmasynyń mamandary baqylaýda. Saıystyń qortyndysy erteń belgili bolmaq.
