OQO-da vengrııalyqtar aýyl sharýashylyǵy ónimderin óńdeıtin jobalar quratyn boldy
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev Vengrııa Respýblıkasynyń Almaty qalasyndaǵy bas konsýly Lang ıÝdıtpen kezdesti. Basqosýda taraptar eki eldiń ekonomıkalyq baılanysyn nyǵaıtý jáne birlesken jobalardy iske asyrý jaıyn talqylady, dep habarlaıdy óńir basshysynyń baspasóz qyzmeti.
Aımaq basshysy oblystyń aýyl sharýashylyǵy jáne saýda-ekonomıkalyq áleýetimen tanystyryp, óńirde sheteldik kásipkerler úshin kóptegen jeńildikterdiń baryn aıtty.
«Eger bizdegi ındýstrıaldy aımaqta is bastasańyzdar, sizderge barlyq jaǵynan jaǵdaı jasaı alamyz. Birinshiden, salyqtyń barlyq túrinen bosatylasyzdar. Kelińizder, jumys isteńizder! Bizdiń óńir negizinen aýyl sharýashylyǵyna beıim. Jeri shuraıly, tabıǵaty qolaıly. Sizderdiń elderińiz de aýyl sharýashylyǵy salasynda asyǵy alshysynan túsken memleket. Sondyqtan da sizderge de ońtaıly bolatynyna senimdimiz», - dedi Janseıit Túımebaev.
Jıyn barysynda aýyl sharýashylyǵy ónimderin qaıta óńdeý salasy boıynsha vengrııalyqtarmen birlesken jobalar iske asyrý jaıy keńinen sóz boldy. Sondaı-aq, Janseıit Qanseıituly majar eliniń bilikti mamandaryn aýyl sharýashylyǵyn tsıfrlandyrý, sońǵy tehnologııalardy meńgerý boıynsha tájirıbe almasýǵa shaqyrdy.
Aıta keteıik, 2017 jyldyń qorytyndysy boıynsha eki el arasyndaǵy saýda-ekonomıkalyq baılanys 150 mln AQSh dollarynan asqan.
