OQO-da «VAZ» avtokóligi gaz qubyryn qaǵyp, 740 abonentti, mektepti jáne balabaqshany gazsyz qaldyrdy

dep habarlaıdy QR Tótenshe jaǵdaılar mınıstrligi.

«Aqpannyń 7-sinde Saryaǵash aýdanynyń Aqjar aýylynda «VAZ» avtokóliginiń 40 jastaǵy júrgizýshisi dıametri 114 mıllımetrlik orta qysymdy gaz jelisiniń syrtqy qubyryn qaǵyp ketti», delingen baspasóz habarlamasynda.

Sonyń saldarynan qubyrdyń dánekerlenip túıisken jeri jartylaı ajyraǵan. Gaz jelisi aqaýlanǵan ýchaskede gazben qamtamasyz etý toqtatyldy. 8 shkaftyq taratý beketi, jeke sektordyń 740 abonenti, mektep, balabaqsha jáne shujyq tsehy gazsyz qaldy.

TJM-niń habarlaýynsha, qalpyna keltirý jumystary aqpannyń 8-i kúni tańerteńgi 09:00-ǵa josparlanǵan.