OQO-da úsh kúndik «Tau fest - 2016» festıvali ótti
ShYMKENT. QazAqparat - QR Táýelsizdiginiń 25 jyldyǵyna oraı, Shymkent qalasynyń kásipkerlik bóliminiń uıymdastyrýymen, 3 kúndik «Shymkent Tau Fest - 2016» festıvali ótti. Alǵashqy kúni ózen boıynda demalýshylardan qalǵan qoqystardy tazalaý jumystary, ekologııalyq senbilik sharasy ótkizildi.
Sonymen qatar Tóle bı aýdany «Bastaý» demalys aımaǵynda «EKSPO -2017» halyqaralyq mamandandyrylǵan kórmesine óńirlik daıyndyq aıasynda Shymkent qalasynyń týrıstik uıymdary men qonaq úıleriniń qyzmet kórsetý sapasyn kúsheıtý taqyrybynda týrızm salasynyń bilgirleri semınar-trenıng oqydy. Trenıng barysynda - týrısterge qyzmet kórsetý sapasyn jaqsartý, keminde úsh tilde sóıleıtin gıd-aýdarmashylardy daıyndaý, 2017 jylǵa josparlanatyn naqty is-sharalar barysy talqylandy.
Іs-shara sońynda quzǵa órmeleý, kedergiler jolynan ótý, alpınıstik jarystar bolyp, qorytyndysynda birinshi oryndy Saıram aýdandyq Jas týrıster stantsııasynyń «Jas qyran» toby, júldeli ekinshi orynda «Shymkent qalasynyń blogerler» toby, al, úshinshi oryndy Tóle bı aýdanynyń Jas týrıster stantsııasynyń ujymy ıelendi. Aıta keterligi, jalpy festıvalge 400 den astam qatysýshy jınaldy.
