OQO-da urylar seıfti altyn buıymdarymen tonap ketken
ShYMKENT. QazAqparat - Ońtústik Qazaqstan oblysynda urylar seıfti altyn buıymdarymen tonap ketken. Osylaısha Saryaǵash aýdanynyń turǵynyna 1,5 mln teńgeden astam shyǵyn keltirgen, dep habarlaıdy QazAqparat HAA tilshisi.
Altyn buıymdardyń ıesi Saryaǵash aýdandyq ishki ister basqarmasyna aryzdanyp, belgisiz bireýler úıinen seıfin urlap ketkenin kórsetken. Jedel izdestirý sharalaryn júrgizgen óńirdiń tártip saqshylary osy qylmysqa qatysy bar degen eki kúdiktini qolǵa túsirdi. Ustalǵan ekeýdiń 21 jastaǵy jumyssyzdar ekeni anyqtaldy. Tergeý barysynda seziktilerdiń jábirlenýshi áıeldiń úıine esikti buzý arqyly kirip, seıfti urlaǵany málim boldy. Keıinnen ony ashyp, ishindegi aqshalar men altyn buıymdardy alǵan. Sóıtip urlanǵan áshekeılerdi satyp, qajetterine jaratqan.
Qazirgi tańda seziktiler ýaqytsha tergeý abaqtysyna qamaýǵa alynyp, olarǵa qatysty Qylmystyq kodekstiń 188-shi «Tonaý» babymen is qozǵaldy. Olardan tárkilenip alynǵan altyn buıymdar ıesine qaıtaryldy. Qazir sotqa deıingi tergeý amaldary júrgizilýde.
