OQO-da ulttyq tárbıege úles qosatyn anımatsııalyq fılmder jaryq kórdi
ShYMKENT. QazAqparat - Ońtústik Qazaqstan oblysynda ulttyq tárbıege úles qosatyn anımatsııalyq fılmder jaryq kórdi. Otyrar aýdany ákimdiginiń bastamasymen qolǵa alynǵan bastama Elbasymyz N.Á.Nazarbaevtyń «Bolashaqqa baǵdar: rýhanı jańǵyrý» atty maqalasy negizinde júzege asyrylýda, dep habarlaıdy «QazAqparat HAA tilshisi.
Otyrar aýdany ákimdigi jergilikti «SAQ» kınostýdııasymen birlesip, eki anımatsııalyq fılmdi túsirýdi qolǵa aldy. «Kóne qumyranyń syry» atty mýltfılmdi jáne Muhtar Shahanovtyń «Otyrar dastanyn» anımatsııalyq nusqasyn jasap shyǵardy. Alǵashqy fılmde Ájirán men Arýjan sııaqty keıipkerler arqyly kóne Otyrarǵa qatysty tarıh baıandalady. Al, «Otyrar dastany» da kóne Otyrardyń kúıeýine qatysty oqıǵany beınelegen.
«Bul fılmder el erteńi - jastarymyzdyń týǵan jeri men el tarıhyn tanyp bilýine zor yqpal jasaıtyny sózsiz. Sondyqtan tárbıelik máni bıik osyndaı týyndylar «Balapan» jáne taǵy basqa telearnalardan kórsetilip jatsa bolashaq urpaq tárbıesine septigin tıgizer edi», - deıdi Otyrar aýdanynyń ákimi Erlan Aıtahanov .
Qazir tapsyrys berýshi Otyrar aýdanynyń ákimdigi qos birdeı mýltfılmdi kópshiliktiń nazaryna usyný úshin «Qazaqstan» ulttyq telearnasy basshylyǵyna shyǵyp, «Balapan» arnasynan» kórsetý jóninde usynys joldapty.
