OQO-da Ulttyq biryńǵaı testileý materıaldaryn satqandar 5 jylǵa deıin sottaldy - Joǵarǵy Sot

ASTANA. 4 sáýir. QazAqparat - Ońtústik Qazaqstan oblysynda Ulttyq biryńǵaı testileý materıaldaryn satý oqıǵasy memleketke 16,5 mln. teńge shyǵyn keltirdi.

Bul týraly búgin Joǵarǵy Sotta ótken aptalyq brıfıngte vedomstvonyń resmı ókili Oksana Peters málim etti.

«Shymkent gornızonynyń áskerı sotymen tórt azamatqa qatysty qylmystyq is qaralyp, aıaqtaldy. Іs materıaldaryna saı, olar memlekettik qupııany quraıtyn málimetterdi, ıaǵnı Ulttyq biryńǵaı testileý suraqtaryn zańsyz alyp, ony satýdy uıymdastyrǵan», - deıdi ol.

Olardyń áreketinen memleketke 16 573 998 teńge kóleminde shyǵyn keltirildi.

Tergeýdiń nátıjesinde Ulttyq qaýipsizdik komıteti jáne bilim berý júıesiniń qyzmetkerlerimen UBT kezinde málimetterdiń tarap ketýine jol bergendikteri anyqtaldy.

Oksana Peterstiń atap ótkenindeı, olardyń barlyǵy 3,5 jyldan 5 jylǵa deıin bas bostandyqtarynan aıyrý jazasyna kesildi.

Eske sala keteıik, Qyzylorda oblysy Jańaqorǵan aýdanynyń túlekteri UBT kezinde 100 balldan joǵary kórsetkishterge qol jetkizgen bolatyn. Sol kezde memlekettik komıssııanyń músheleri atalmysh aımaqta málimetterdiń tarap ketýi múmkin dep kúdiktengen edi. Sodan keıin túlekter qaıtadan testileýden ótkizildi.