OQO-da týrıstik forýmy aıasynda 4 memorandým qol qoıyldy
ShYMKENT. QazAqparat - Ońtústik Qazaqstan oblysynda «Qazaqstannyń Uly Jibek jolyna saıahat» halyqaralyq festıvali aıasynda ótip jatqan eki kúndik «Ontustik Tourism. Invest 2017» týrıstik forýmynyń alǵashqy kúni qorytyndylandy, dep habarlaıdy QazAqparat oblys ákiminiń baspasóz qyzmetine silteme jasap
Forým aıasynda Ońtústik Qazaqstan oblysyndaǵy týrızm salasy ókilderi men Qytaı, Ózbekstan jáne Qazaqstannyń basqa qalalary arasynda 4 memorandýmǵa qol qoıyldy.
Onda eki jaqty áriptestikti nyǵaıtý maqsatynda «Ontustik Tourism Center» týrıstik aqparattyq ortalyǵy qytaıdyń «Salem China» kompanııasymen jáne «Sky Way» týrıstikkompanııasymen memorandým jasaldy. Budan ózge, Ońtústik Qazaqstan oblystyq kásipkerlik, ındýstrıaldy-ınnovatsııalyq damý jáne týrızm basqarmasy men Hataı provıntsııasy memorandým jasasty, «Ontustik Tourism Center» týrıstik aqparattyq ortalyǵy men Ózbekstannyń týrıstik ónimin nasıhattaý ortalyǵy arasynda eki jaqty memorandýmǵa qol qoıyldy.
Jalpy alǵanda bul memorandýmdar taraptarǵa óz aımaqtarynyń týrızm ónimderin birge damytyp, ınfraqurylymyn salýǵa, ınvestıtsııa jumyldyrýǵa múmkindik beredi.
Aıta keteıik, mundaı deńgeıdegi is-shara Shymkentte alǵash ret uıymdastyrylyp otyr. Forým óńirdiń týrızm salasyn damytýǵa jáne tájirıbe almasýǵa, ózara tıimdi áriptestikti tereńdetýge jáne sheteldik ınvestorlardy tartýǵa baǵyttalǵan.
Eske salaıyq, forýmǵa Qytaı Halyq Respýblıkasynyń Memlekettik týrızm basqarmasy jetekshisiniń orynbasary Dý Tszıan, Qazaqstan Respýblıkasy Mádenıet jáne sport mınıstrliginiń týrızm ındýstrııasy Komıtetiniń tóraǵasy M.Murzamadıeva, Kazakh Tourizm ulttyq kompanııasynyń basqarma tóraǵasy R.Kúzembaev, «Atameken» UKP qyzmetkerleri, halyqaralyq jáne qazaqstandyq týroperatorlar, ınvestıtsııalyq kompanııalardyń, týrıstik uıymdarmen BAQ ókilderi, jalpy 500-ge jýyq adam qatysty.
