OQO-da týrıster tobynan adasyp ketken eki áıeldiń birin ajal qushty

Bul týraly QR TJM-nan habarlady.

OQO-nyń Tólebı aýdanynda ornalasqan «Birkólik» demalý ornynda adamdardyń joǵalǵandyǵy týraly habar, jeksenbi kúni keshki saǵat 9 shamasynda tústi. Anyq bolǵandaı, osy kúni Shymkent qalasynan Birkólik demalý ornyna 15 adamnan quralǵan top kelgen. Tús ýaqytynda týrıster taýǵa serýendeýge shyqqan. Biraq eki áıel toptan qalyp qoıyp, aldyn ala kelisilgen jerge saǵat 17.00-de kelmegen.

Olardy izdeý jumystaryna oblys boıynsha TJ departamentiniń shuǵyl-qutqarý jasaǵy jumyldy. Nátıjesinde 63 jastaǵy zeınetker áıel taýdyń saǵasynan tabylyp, qutqaryldy. Tańerteńgi saǵat 6 shamasynda osy saǵadan 56 jastaǵy ekinshi áıeldiń óli denesi tabyldy.