OQO-da turǵyn úıge qol jetkizýdiń joldary jeńildedi
Bul týraly «Qazaqstannyń Turǵynúı qurylys-jınaq banki» AQ OQOF keńesshisi Shárıpa Qojamjarova málimdedi, dep habarlaıdy QazAqparat HAA tilshisi.
Atalǵan bank keńesshisiniń sózinshe, óńirde memlekettik «Nurly jol» baǵdarlamasy eki baǵyt boıynsha júzege asyrylýda. Birinshisi jergilikti ákimdik arqyly bolsa, ekinshisi - «Báıterek Development» aktsıonerlik qoǵamy boıynsha salynatyn úıler. Úıli bolýdyń qarapaıym sharty, esep-shotyńyzda páter qunynyń 30 paıyzy jınaqtalǵan bolýy kerek.
«Nurly jol» jáne «Nurly jer» baǵdarlamalary «Qazaqstannyń turǵynúı jınaq banki» salymshylarynyń úıli bolýǵa degen senimin arttyryp otyr. Bul baǵdarlama arqyly kez kelgen azamat esepshottaǵy qarjysynyń kólemine qaramaı, konkýrsqa qatysa alady. Tólem qabiletine qaraı, páter alýǵa múmkindik kóp»,-dedi Shárıpa Qojamjarova.
Al, «Báıterek Development» aktsıonerlik qoǵamy boıynsha bıyl 180 myńnan astam sharshy metr bolatyn baspana tapsyrylmaq. Bank ókilderiniń aıtýynsha, 2018 jylǵa deıin 3086 páterli 55 úı el ıgiligine beriledi. Osylaısha, aldaǵy 15 jylda el turǵyndaryn tolyǵymen baspanamen qamtý jospary bar. Іlki joba retinde Shymkentte eki kottedjdi qalashyqtar boı tikteıtin bolady.