OQO-da turǵyn úıden shyqqan órtten 7 aılyq sábı kóz jumdy
ShYMKENT. QazAqparat - Ońtústik Qazaqstan oblysy Otyrar aýdanynda turǵyn úıden órt shyǵyp, 7 aılyq sábı kóz jumdy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, qaıǵyly jaǵdaı aýdan ortalyǵy - Sháýildir eldi mekeninde bolǵan. Turǵyn úıden órt shyǵyp, oqıǵa ornyna TJ qyzmetkerleri jetken. Tilsiz jaýdy aýyzdyqtaýǵa OQO TJD órt sóndirý qyzmetinen 7 qyzmetker, 3 dana tehnıka jumyldyrylǵan.
Sondaı-aq, Otyrar aýdandyq ІІB-niń 4 qyzmetkeri men 1 dana tehnıka jalyndy óshirýge atsalysqan. Keıinnen jalyn ishinde 7 aılyq náresteniń qalyp ketkeni belgili boldy. Ol aman qalyp, aýdandyq aýrýhanaǵa jetkizildi. Alaıda denesiniń basym bóligin kúıik shalǵan sábı jan tásilim etti. Qazirgi tańda órttiń shyǵý sebepteri anyqtalyp jatyr. Ázirge belgilisi, náreste úıinde jalǵyz qalǵan eken.
