OQO-da tuńǵysh ret shyntaq býynyn almastyrý operatsııasy jasaldy
ASTANA. QazAqparat - Ońtústik Qazaqstan oblystyq klınıkalyq aýrýhanasynda tuńǵysh ret shyntaq býynyn almastyrý operatsııasy jasaldy, dep habarlady shymkenttv.kz.
Dárigerlerdiń aıtýynsha, jylyna osyndaı dertke shaldyqqan 100-ge tarta naýqas operatsııa jasatamyn dep, medıtsınalyq kómek kútedi. Nazarǵa alsaq, Astana men Almatyda kúni búginge deıin nebári 5 azamatqa jasandy býyn qoıylǵan. Sheteldi aıtpaq túgili, Qazaqstannyń iri eki qalasynda em-dom jasaýdyń ózi qarapaıym adam qaltasyna ońaıǵa soqpaıdy. Oblystyq klınıkalyq aýrýhanada qolǵa alynǵan ota tegin iske asyrylady. Reseıdiń ozyq dárigerlerimen ota jasaǵan bizdiń mamandardyń paıymynsha, dertke ádette revmatızmmen, brıýtsellezben aýyrǵan, qolyn syndyryp alǵan adamdar shaldyǵady. Al, ota qymbattylyǵymen, tehnologııalyq jaǵynan óte kúrdeli bolýymen erekshe.
