OQO-da «Týǵan jer-altyn besigim» oblystyq festıvali ótti

ShYMKENT. QazAqparat - Ońtústik Qazaqstan oblysynda Sozaq aýdanynyń «Týǵan jer-altyn besigim» oblystyq festıvali ótti. Oblys əkimdigi men mədenıet basqarmasy, mədenıet jəne halyq shyǵarmashylyǵy ortalyǵynyń uıymdastyrýymen ótken shara óńirdiń daryndy jastary men elge tanymal juldyzdarynyń qatysýymen ótken gala-kontsertke ulasty , dep habarlaıdy QazAqparat tilshisi.

Elbasy N. Nazarbaevtyń «Bolashaqqa baǵdar: rýhanı jańǵyrý» maqalasyndaǵy «Týǵan jer» baǵdarlamasyn júzege asyrý men Ońtústik Qazaqstan oblysynyń 85 jyldyǵyna oraı uıymdastyrylǵan festıvalǵa óńirdiń talantty jastary qatysty.

   

«Týǵan jer - altyn besigim» atty mádenıet kúni aıasynda ótken is-sharalar baǵdarlamasy aýdan basshysy Salyhan Polatovtyń qatysýymen ótken baspasóz konferentsııasynan bastaý alyp, «Sozaq - jyr, Sozaq - sóz, Sozaq - óner» kontsertimen jalǵasyn tapty. Sozaq halyq jáne oblystyq əzil-syqaq jəne satıra teatrlarynyń ártisteri birlesip qoıǵan Nurǵalı Orazdyń «Adasqan juldyz» qoıylymy el yqylasyna bólendi.

   

Al, «Otyrar» oblystyq ǵylymı-ámbebap kitaphanasynda qazaq aqyny, jýrnalıst, Qazaqstan Jazýshylar odaǵynyń múshesi, QR Mádenıet qaıratkeri Tóreǵalı Táshenovpen kezdesý ótti. Budan bólek, «Teriskeı tartýy» aýylsharýashylyq ónimderiniń jármeńkesi uıymdastyrylyp, et, sút, kókónis, jemis-jıdek pen aýdan kásipkerleriniń qolóner buıymdary arzan baǵada satyldy.

  

Shara «Shámshi álemi» gúlzarynda 700-den asa aýdandyq qolóner, qylqalam sheberleriniń jədigerleri jáne kitap kórmesin tamashalaýmen jalǵasyn tapty. Sonymen qatar, aýdannyń áleýmettik-ekonomıkalyq damýyn kórsetetin beıne kórsetilimder berilip, ulttyq sporttyq oıyndarda keńinen nasıhattaldy. Keshkisin tanymal ánshiler men Sozaq ónerpazdarynyń qatysýymen gala-kontsert uıymdastyrylyp, jandy daýystaǵy ənder men myń buralǵan bıshiler qala jurtshylyǵyn tánti etti.