OQO-da týǵan balasyn ystyq sýmen kúıdirgen áıel sottaldy
ShYMKENT. QazAqparat - Ońtústik Qazaqstan oblysynda óz balasyn ólimshi etip sabaǵan áıel 5 jylǵa bas bostandyǵynan aıyryldy. Ol jazasyn jalpy tártiptegi túzeý kolonııasynda óteıtin boldy. Bul týraly oblystyq kámelettik jasqa tolmaǵandardyń isi jónindegi sotynyń sýdıasy Gúlnur Sattarova málimdedi, dep habarlaıdy QazAqparat tilshisi.
Sýdıanyń sózinshe, Aqmonshaq Battalǵazıeva aıyptalýshy sot otyrysy kezinde óz kinásin tolyq moıyndaǵan jáne jasaǵan isine qatty ókinetinin aıtqan. Onyń ústine, onyń taǵy da júkti ekeni belgili boldy. Sot soǵan qaramastan, ony analyq quqyǵynan aıyryp, múgedek uly men 1 jasar qyzyn balalar úıine ótkizý jóninde sheshim shyǵarǵan. Sot úkimimen aıyptalýshy áıel Qylmystyq kodekstiń 106-baby 2-bóliginiń 3,11-tarmaqtary («Densaýlyqqa qasaqana aýyr zııan keltirý»), 110- babynyń 2-bóliginiń 1-tarmaǵynda («Qınaý») jáne 140-babynyń 2-bóliginde («Kámeletke tolmaǵan adamdy tárbıeleý jónindegi mindetterdi oryndamaý») kózdelgen qylmystardy jasaǵany úshin kináli dep tanylyp, tıisti jazasyn aldy.
«Aıyptalýshy ashýmen balasynyń qolymen bet tusynan birneshe márte urǵan, sonymen qatar, aıaq-qoldary denesiniń basqa da jaqtarynan kóptegen dene jaraqattaryn salǵan. ıAǵnı, ulyn udaıy uryp soqqan. Denesine birneshe ret ıne suqqan, uryp denesin kógertken, kúıdirgen. Osylaısha, sottalýshy jasaǵan is áreketimen balasyna aýyr zardap keltirgen. Sondyqtan ony bas bostandyǵynan aıyrý jóninde sheshim qabyldandy», - dedi sýdıa Gúlnur Sattarova.
Qazir tuńǵyshy Asyl Battalǵazıev Shymkenttegi №3-shi balalar úıinde tárbıelenip jatsa, qyzy bóbekter úıine ótkizilgen.
Aıta keteıik, aǵymdaǵy jyldyń mamyr aıynda Ordabasylyq kelinshek Aqmonshaq Battalǵaızeva uly Asyldy ólimshi etip sabap, tipti ystyq sýmen kúıdirgen edi. Keıinnen perzentinen bas tartqan bolatyn. Al, aýyr jaraqat alǵan 7 jasar bala Ordabasy aýdandyq, keıinnen oblystyq balalar aýrýhanasynda birneshe aı boıy em qabyldady. Dárigerler balanyń basyna ota jasaǵanymen, múgedek bolyp qaldy. Qazir ol Shymkenttegi balalar úıinde turyp jatyr. 
