OQO-da týberkýlezge qarsy dıspanserden órt shyqty
ShYMKENT. QazAqparat - Ońtústik Qazaqstan oblysy Saıram aýdanynda túberkýlezge qarsy dıspanserden órt shyqty. Ǵımarattaǵy naýqastar syrtqa shyǵarylyp, qaýipsiz jerge kóshirildi, dep habarlaıdy QazAqparat tilshisi.
Aqsýkent aýylyndaǵy emdeý mekemesinde órt tańǵa jýyq ǵımarattyń birinshi qabatynan shyqqan. Ony sóndirýge jergilikti tótenshe jaǵdaılar qyzmetiniń 24 qyzmetkeri men 5 tehnıkasy jumyldyryldy. Jalyn 16 sharshy metrdi sharpyǵan. Tilsiz jaý 09:57-de aýyzdyqtalyp, 10:08-de tolyq sóndirilgen. Zardap shekkender joq.
Atalǵan aýdanda, sondaı-aq, qoǵamdyq tamaqtaný ornynyń shatyry da janyp ketti. Qarasý aýylyndaǵy «Zýhra» dámhanasynyń 40 sharshy metri órtenip, oqıǵa ornyna 10 qyzmetker men 4 dana tehnıkasy jumyldyryldy. Nátıjesinde jalyn 09.49-da oqshaýlanyp, 10.55-ta tolyǵymen sóndirildi. Mamandardyń málimetinshe, zardap shekkender joq. Qazirgi tańda eki órttiń de sebep-saldary anyqtalýda.
