OQO-da transformatorlardy urlaýdy kásip etken qylmystyq top ustaldy
ShYMKENT. QazAqparat - Ońtústik Qazaqstan oblysynda transformatorlardy urlaýdy kásip etken qylmystyq top ustaldy. 7 adamnan turatyn top músheleriniń búginde 6 urlyq deregine qatystylyǵy anyqtalyp otyr, dep habarlaıdy QazAqparat tilshisi.
Oblystyq ІІD bapasóz qyzmetiniń málimetinshe, qylmystyq topty ustaýǵa Báıdibek aýdanyndaǵy jeke fırma qyzmetkerleriniń aryzy negiz bolǵan.
Olardyń sózinshe, jergilikti fırmadaǵy quny 1 mln teńge turatyn transformatorlardy belgisiz bireýler urlap ketken. Artynsha Báıdibek aýdandyq ІІB-na osy tektes aryzdar taǵy birneshe jergilikti turǵynnan túsken. Polıtsııa tarapynan jedel izdestirý barysynda osy qylmystarǵa qatysy bar degen 7 kúdikti ustaldy. Olardan aıǵaqty zat retinde urlanǵan transformatorlardyń bólshegi men ózge de elektr jaryǵyna paıdalanatyn qurylǵylar tabyldy.
Tergeý barysynda seziktilerdiń osyǵan uqsas taǵy 5 qylmystyq iske qatysy bar ekeni anyqtalyp otyr. Qazirgi tańda barlyq top músheleri qamaýǵa alynyp, olardyń ústinen qylmystyq is qozǵalǵan. Sotqa deıingi tergep, tekserý amaldary júrgizilýde.
