OQO-da toı kortejine tikushaq qosylǵan
ShYMKENT. QazAqparat - Ońtústik Qazaqstan oblysynda toı kortejine tikushaq ilesip ushqan. Dál osyndaı beıne túsirilim áleýmettik jelilerde tarap ketti, dep habarlaıdy «QazAqparat HAA tilshisi.
Beınejazbany jelige Rýslan Sultanbek esimdi azamat júktepti. Oǵan qarap onyń «Shymkent-Tashkent» tas jolynda Saryaǵash qalasyna kire beriste túsirilgenin ańǵarýǵa bolady. Túsirilimde toı kortejimen ilesip bara jatqan tikushaq tómendep, qaıta kóterilgenin kórýge bolady. Tikushaqtyń ushqyshtary kortedjden ozyp ketpesten, ne qalyp qoımastan ilesip ushýǵa tyrysady. Al vıdeony túsirgen kóliktegiler bolsa ony qýyp jetýge tyrysqan. Ári toıda júretin kileń qymbat kólikterge tikushaqtyń qosylǵanyn qosylǵanyn maqtan etedi.
Beınetúsirilimniń keıipkeri «bizde serýen osyndaı, jaǵdaıymyz múshkildeý. Tikushaq ilesip júredi. Bizde keme júrmeıdi ǵoı», deıdi.
Al, áleýmettik jeliden túsirilimdi kórgender túrli pikir qaldyrǵan. Bireýi toı kortejiniń tikushaqpen júrgeni keremet dese, endi biri ushaq pılotynyń lıtsenzııasyn alyp qoıý kerektigin aıtady.
Qalaı bolǵanda da óńirdiń áýe kemelerine jaýapty basshylary qandaı da bir málimet taratpady.
