OQO-da tórt aıda 26 myńnan astam adam jumyspen qamtyldy
ShYMKENT. QazAqparat - Ońtústik Qazaqstan oblysynda jyl basynan bergi 4 aıda 26 myńnan astam adam jumyspen qamtyldy. Bul týraly búgin oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva málim etti, dep habarlaıdy QazAqparat HAA tilshisi.
Basqarma basshysynyń sózinshe, aǵymdaǵy jyly óńirde memlekettik jáne salalyq baǵdarlamalar negizinde 66764 jańa jumys oryndary ashylatyny josparlanyp otyr. Onyń ishinde, 5677 adam jumyspen qamtý organdary arqyly turaqty jumys tabatyny kózdelgen.
«Osy jyldyń 1 mamyryna 4870 jańa jumys oryndary ashyldy. Onyń ishinde, 115 oryn «Indýstrııalyq-ınnovatsııalyq damý» baǵdarlamasy (42,1%), 396 oryn «Bıznestiń jol kartasy 2020» (55,9%), 3987 oryn memlekettik salalyq baǵdarlamalar arqyly (23,1%), 237 oryn «Óńirlerdi damytý» memlekettik baǵdarlamasy aıasynda (0,6%) ashylǵan. Bul oryndarǵa 1201 azamat jumyspen qamtý organdary arqyly ornalasty», - dedi Ásııa Quralqyzy.
Tilshilermen bolǵan jıynda basqarma basshysy bıyldan bastap júzege asyrylyp jatqan «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń» iske asyrylý barysyn baıandady. Úsh baǵyt aıasynda iske asyrylyp jatqan jańa baǵdarlama aıasynda respýblıkalyq bıýdjetten 10879,6 mln.teńge bólinip, 64 314 adam qamtylmaq.
ıAǵnı, birinshi baǵyt boıynsha (Baǵdarlamaǵa qatysýshylardy tehnıkalyq jáne qysqa merzimdi kásiptik oqýmen qamtamasyz etý) 2017 jyly 11 437 adamdy oqytý kózdelse, 2,5 jyl merzimde tehnıkalyq jáne kásiptik bilim alýǵa 4 584 adam aǵymdaǵy jyldyń 1 qyrkúıeginen bastap joldanatyn bolady. Munan bólek, jumysshy kadrlardy eńbek naryǵynda suranysqa ıe kásipter men daǵdylar boıynsha qysqa merzimdi kásiptik oqytýǵa 6853 adamdy (mamyr, maýsym aıynda) joldaý josparlanýda.
Al ekinshi baǵyt (Jappaı kásipkerlikti damytý) aıasynda 1500 adamdy kásipkerlik negizderine oqytýǵa, 2075 adamdy shaǵyn nesıeleýge qatystyrý, jalpy 3575 adamdy qamtý kózdelip otyr. Jyl basynan beri 101 adam kásipkerlik negizinde oqýǵa joldandy.
Úshinshi baǵyt (Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý) aıasynda 49302 adamdy qamtý josparlandy. Bıylǵy jyly 4 aı ishinde 25 426 Baǵdarlama qatysýshysyna áleýmettik qoldaý sharalary kórsetildi. Onyń ishinde, turaqty jáne ýaqytsha jumyspen 35138 adam qamtylatyny josparlanyp, naqty 13 207 adam jumyspen qamtyldy. 5284 adam áleýmettik jumys oryndaryna joldanyp, 3005 adam jastar praktıkasyna jiberildi. Sondaı-aq, 6 838 adamdy aqyly qoǵamdyq jumystarǵa baǵyttaý kózdelip, naqty 3380 adam qoǵamdyq jumys oryndaryna bardy.
