OQO-da tomat pastasy óndiriletin boldy
ShYMKENT. QazAqparat - Ońtústik Qazaqstan oblysyndaǵy qyzanaq óńdeıtin zaýyt óndirisin kóńeıtip keledi. Arys aýdanyndaǵy óndiris orny endi tomat pastasyn shyǵaratyn boldy, dep habarlaıdy QazAqparat tilshisi.
«Agrofırma Jańa Aqdala» JShS-i údemeli ındýstrıaldy-ınnovatsııalyq damý memlekettik baǵdarlamasy aıasynda 2008 jyly iske qosylǵan. Salasy tomat ónimderin ósirý jáne óńdeý. Al óndiretin ónimi tomat pastasynyń kontsentraty. Kásiporyndaǵy tomat óndiretin zaýyttyń óndiris qýattylyǵy táýligine 600 tonnany quraıdy. Búginde atalǵan zaýytta kúnine 400-500 tonna qyzanaq óńdelip, 70 tonnaǵa jýyq tomat kontsentraty daıyndalady. Aldaǵy ýaqytta óndiris orny jumys kólemin keńeıtip, tomat kontsentratynan daıyn ónim shyǵarmaq. Jaqyn kúnderi kásiporyn jańa jelini iske qosyp, tomat pastasyn jasaıdy. Búginde arnaıy qondyrǵylardy alyp, ornatyp qoıǵan. 
Zaýyt dırektory Erlan Aqjibekovtyń aıtýynsha, tomat pastasyn shyǵaratyn jelini qarashanyń ekinshi on kúndiginde iske qosady. Ónim «Altyn dán» markasymen úsh túrli kólemdegi shyny ydysta shyǵarylatyn bolady. Tabıǵı daıyn ónim ońtústik óńiriniń saýda qatarlarynan bólek, elimizdiń jeti oblysynda da satylady dep josparlanyp otyr.
Seriktestiktiń egistik alqabynda tamshylatyp sýarý ádisimen 400 gektarǵa jýyq jerge qyzanaq egilgen. Búginde sharýalar tórt kombaınmen alqaptaǵy 200 gektar qyzanaqty jınap úlgerip, odan 12 myń tonna ónim alǵan. Olardyń aıtýynsha, bıyl ónim mol bolǵandyqtan gektary 630 tsn qurap otyr eken. Maýsym kezinde munda úsh júzden astam adam eńbek etedi. Al turaqty 229 azamat jumys isteıdi.
