OQO-da toǵyzqumalaqshylardyń saıysy tartysty ótti

ShYMKENT. QazAqparat - Ońtústik Qazaqstan oblysy Otyrar aýdanyna qarasty Yntaly eldi mekenindegi Á.Baıtanaev atyndaǵy negizgi mektebinde QR Táýelsizdiginiń 25 jyldyǵyna oraı toǵyzqumalaqtan 2004-2005 jáne 2006-2007 jyldary týylǵan jasóspirimder arasynda toparalyq jarys ótti, dep habarlaıdy aýdan ákimdiginiń baspasóz qyzmeti.

Ulttyq qundylyqtardy qaıta jańǵyrtý, óskeleń urpaqty salamatty ómir saltyna beıimdeý, «Uly Dala Eliniń» jastaryn patrıottyq rýhta tárbıeleý maqsatynda ótken sharada aýdan ákiminiń orynbasary Perdehan Japparqulov kópshilikti mereıli merekemen quttyqtap, jarysqa qatysýshylarǵa sáttilik tiledi. Sporttyq saıystyń ashylý saltanatynda Otyrar memlekettik arheologııalyq-qoryq murajaıy qyzmetkeri Nurjamal Yrsymbet babalardan mıras bolyp qalǵan toǵyzqumalaq oıyny sonaý Saq dáýirinen bastaý alǵan kóne sport túri ekendigin, Otyrar dalasynan babalarymyzdyń toǵyzqumalaq oıynyn oınaǵandyǵyn aıǵaqtaıtyn qundy derekter tabylǵandyǵyn jetkizdi. Al, jarystyń bas tóreshisi Dosan Ibragımov sportshylardy bıylǵy jyldyń eń basty, ulyq merekesi - el Táýelsizdiginiń 25 jyldyǵymen quttyqtap, saıyskerlerge izgi tilegin bildirdi. 

Jarysqa 6 komanda sapynda 50-den astam jasóspirim qatysyp, ózara básekege tústi. Tartysty ótken saıys sońynda jeńimpazdar men júldegerler arnaıy gramotalar men baǵaly syılyqtarǵa ıe boldy.