OQO-da taýda joǵalǵan týrıster tabyldy
ShYMKENT. QazAqparat - Ońtústik Qazaqstan oblysyndaǵy Saıram sý shatqalyna eki týrıst shyǵyp, qaıtyp oralmaǵan. Olardyń iz-túzsiz joǵalyp ketkeni týraly týystary eki kún ótken soń tótenshe jaǵdaılar qyzmetkerlerine aıtyp, kómek suraǵan. Bul týraly Oblystyq TJD jedel qutqarý jasaǵynyń jetekshisi Pavel Vıshenın málimdedi, dep habarlaıdy QazAqparat HAA tilshisi.
Óńirdiń Tótenshe jaǵdaılar departamentine qarasty jedel qutqarý jasaǵy saıahatshylardy izdeýge 14-shi tamyz kúni shyǵady. Bes adamnan turatyn top músheleri shatqalǵa kóterilip, eki saǵattan keıin-aq joǵalǵan eki adamdy tapqan. 31 jáne 32 jastaǵy saıahatshylar Kirgeli shatqalynan úsh shaqyrym qashyqta júrgeni anyqtaldy. Ekeýi de din aman, eshbir jaraqat almapty.
Eske salaıyq, OQO tótenshe jaǵdaılar qyzmetkerleri buǵan deıin de birneshe ret taýǵa shyǵyp, adasyp qalǵan saıahatshylardy tapqan bolatyn. Sondyqtan turǵyndarǵa tabıǵat aıasyn tamashalaǵanda asa saq bolýǵa, bilmeıtin baǵyttarǵa shyqpaý kerektigin eskertedi.
