OQO-da tas jolda bolǵan kólik apaty 5 adamnyń ómirin qıyp ketti
ASTANA. QazAqparat - OQO-da tas jolda Aýdı men Mersedes markaly kólikterdiń soqtyǵysýynan bolǵan kólik apatynan 5 adam mert boldy. Qaıǵyly habardy Túrkistan qalasynyń prokýrory Rýslan Ábdiraıymov áleýmettik jelide habarlady .
«Qurmetti júrgizýshiler!!! Saparǵa shyqqanda sabyrly, salmaqty jáne abaı bolyńyzdarshy!!! Búgin taǵy qaraly xabar jetti. Shaıan-Shymkent tas jolynyń boıyndaǵy jol kólik oqıǵasynan 5 adam qaıtys boldy, onyń ishinde 2-eýi kámeletke tolmaǵan... Aǵaıyn, kólikte jalǵyz bolsań meıli, bala-shaǵany toltyryp alyp, zańdy saqtamaý, jolaýshyǵa jasalǵan qastandyq emes pe, olardyń ne kinási bar», - dep jazdy ol áleýmettik jelide.
Prokýror, sondaı-aq, ata-analardy jolda abaı bolýǵa shaqyrdy.
